Stadionøkið liggur inni í Vika á Argjum. 

Stadionøkið fekk í 2015 heitið "Skansi Arena" sum liður í einari sponsoavtalu við Skansi Offshore.

Fótbóltsvøllurin á Argjum varð gjørdur í 1983 og var í nógv ár hægst liggjandi fótbóltsvøllur í landinum. Hann er 92,87 m yvir havinum.

Hægst liggjandi fótbóltsvøllur í landinum í dag er fótbóltsvøllurin í Hoyvík. Hæddin á miðjuni á tí vøllinum er 117,31 m yvir havinum.

Aðrir høgt liggjandi fótbóltsvallir: Leirvík, 91,66 m yvir havinum. Á Svangaskarði, 82,82 m yvir havinum. Sumba, 74 m yvir havinum.

Vøllurin fekk fyrstu ferð graslíki í 1988 og nýtt graslíki varð lagt á vøllin í 2010. 

Vøllurin er ?? m langur og ?? m breiður. Tvs. um tú fert ein rennitúr, so er ein runda eftir strikunum ?? metrar at renna.

Áskoðaraskýlið á Argjum var bygt í 2009. Í skýlinum eru ?? sitipláss. í 2015 vóru hølini unir áskoðaraskýlinum innrættaði við skiftirúmum, felagshølum osv. Tilsamans eru hølini undir skýlinum ?? fermetrar til víddar.

AB-húsið var bygt í 1985. Húsið verður í dag mest brúkt til felagstiltøk, útleigan og í undirhæddini hevur Argja Dart síni venjingarhøli. 

Hesir hava verið venjarar á fremsta liðnum bjá AB:

  • Faroe Islands Oddbjørn Joensen (2000 - 2001)
  • Faroe Islands Sámal Erik Hentze (2002 - 2003)
  • Faroe Islands Kári Reynheim (2004)
  • Faroe Islands Jóannes Jakobsen (2005)
  • Faroe Islands Rúni Nolsøe (2006)
  • Faroe Islands Oddbjørn Joensen (Januar - mai 2007)
  • Faroe Islands Sigfríður Clementsen (Juni 2007 - Desember 2007)
  • Faroe Islands Allan Mørkøre (2008 – Juli 2010)
  • Faroe Islands Sámal Erik Hentze (August 2010 – Desember 2013)
  • Faroe Islands Bill McLeod Jacobsen (Januar 2014 – 16. april 2014)
  • Faroe Islands Oddbjörn Joensen (17. april 2014 – mai 2015)
  • Faroe Islands Sámal Erik Hentze (Juni 2015 - desember 2015)
  • Faroe Islands Trygvi Mortensen (2016)
  • Faroe Islands Kári Reynheim (2017)
  • Faroe Islands Sorin Vasile Anghel (2018, 2019 - )

 

Besta liðið hjá AB hevur spælt í hesum deildum:

2000: 2. Deild (nr. 4)

2001: 2. Deild (nr. 4)

2002: 2. deild (nr. 1)

2003: 1. Deild (nr. 4)

2004: 1. Deild (nr. 3)

2005: 1. Deild (nr. 4)

2006: 1. Deild (nr. 2)

2007: Formuladeildin (nr. 9)

2008: 1. deild (nr. 2)

2009: Bestadeildin (nr. 6)

2010: Bestadeildin (nr. 10)

2011: 1. Deild (nr. 3)

2012: 1. Deild (nr. 2)

2013: Bestadeildin (nr. 7)

2014: Bestadeildin (nr. 8)

2015: Bestadeildin (nr. 8)

2016: Bestadeildin (nr. 9)

2017: 1. Deild  (nr. 1)

2018: Betrideildin (nr. 9)

2019: Betrideildin

Hetta er almenna búmerkið hjá Argja Bóltfelag.

Official logo of Argja Bóltfelag, AB.

 

AB logo AB logo

Heimasíðan hjá AB verður í løtuni renoverað, so her er avmarkað við kunning í løtuni.

Argja Bóltfelag varð stovnað 15. august 1973. Tað var danin Johnny Nyby saman við øðrum ítróttaráhugaðum á Argjum, sum breyt slóð fyri Argja Bóltfelag ella AB.

Á vári 1974 fekk AB sína fyrstu nevnd. Í henni sótu: Johnny Nyby, formaður, Fróði Olsen, næstformaður, Sonja á Argjaboða, kassameistari og Kristian Arge, skrivari. Hinir stjórnarlimirnir vóru: Erling Olsen, Sæmundur Mortenen og Jens Hansen.

Sama árið luttók felagið í teimum regluligu kappingunum.

Vánaligar venjingarumstøður vóru at byrja við - bert ein trongligur skúlagarður. Seinni fekst eitt stykki niðan fyri skúlan at íðka á, sum var 20 x 40 fermetrar til støddar.

Eingin vøllur var á Argjum tá, men við vælvild frá fótbóltsfeløgunum í Havn og Tórshavnar Býráð, kundi AB læna vøllin í Gundadali at venja og leika dyst á, og soleiðis var gjørligt at halda lív í felagnum.

Í 1983 varð fótbóltsvøllur gjørdur á Argjum. Hetta betraði munandi um umstøðurna hjá felagnum.

Í 1985 bleiv AB húsið bygt. Hetta varð gjørt, tí hølistrupuleikar vóru í skúlanum. Ovara hæddin í húsinum varðbleiv gjørt til tvær skúlastovur. AB húsast soleiðis í neðra í húsinum. Eftir at skúlin gavst at nýta hølini í AB-húsinum, húsaðist frítíðarskúlin nøkur ár í ovaru hæddini.

Í 1998 varð graslíki lagt á vøllin, og felagið fekk somu umstøður sum flest øll feløg í landinum.

Í 2009 var stórt áskoðaraskýli bygt við vøllin. Umstøðurnar hjá áskoðarunum vóru nú munandi betri enn áður, tí sitast kundi á góðum plastsetrum undir taki og í lívd fyri veðrinum.

Í 2010 var 12 ára gamla graslíkið á vøllinum tikið av og nýtt, modernað graslíki varð lagt á vøllin.

Við ársenda 2010 keypti Argja Bólfelag AB-húsið frá Tórshavnar Kommunu.

Á heysti 2011 bleiv økið á niðaru síðu av vøllinum, uttan fyri hegnið, breiðkað. 3 Ljósmastrar blivu settar upp á niðaru síðu, so ljósviðurskiftini á vøllinum blivu munandi betri.

Í juni 2013 varð ein nýmótans elektroniskur stórskíggi settur upp á niðaru síðu á vøllinum. Á stórskíggjanum ber til, umframt at síggja klokkutíðina og málstøðuna, at vísa tekst og livandi myndir, so nú er meira undirhaldandi hjá áskoðarunum at vera til fótbóltsdyst á Argjum.

Í 2013 og 2014 hevði stadionøkið heitið "Blue Water Arena"

Í 2015 fekk stadionøkið heitið "Skansi Arena".

Í 2015 var undirhæddin í áskoðaraskýlinum liðugt innrættað við 4 skiftirúmum, skrivstovu, dómararúm, fysiterapirúm, venjingarrúm, felagshøli/køkur, vaskirúm, wc v.m. Umstøðurnar blivu nú munandi betur í mun til trongligu umstøðurnar sum higartil hava verið í AB-húsinum.

-----
Hvussu byrjaði AB? Les grein hjá Fróða Olsen við at trýsta her (link óvirkið í løtuni).
-----
Yvirlit yvir allar formenn í AB frá 1973 - 2013 sæst við at trýsta her (link óvirkið í løtuni).
Yvirlit yvir allar starvsnevndir í AB frá 1973 - 2013 sæst við at trýsta her (link óvirkið í løtuni)