Lutaseðlarnir drignir
Lutaseðlar vóru seldir til dystin AB-HB sunnudagin 24. mai og vinnaranumrini vóru hesi:
1. Ljósareyður nr. 50
2. Ljósareyður nr. 51
3. Ljósareyður nr. 13
Vinnarar kunnu ringja tlf. 596774.
- Detaljer
- Skrevet af Kristian Dahl
Legendan meldar seg kláran
Jónas Stenberg hevur gingið á odda fyri AB, longri enn felagið hevur verið í bestu deildini. Í ár verður einki undantak. Jónas eigur rekordina fyri flest leiktar dystir fyri besta liðið hjá AB. Hann hevur leikt 342 dystir fyri AB, har 157 hava verið í bestu deildini.
Jónas skuldi eftir ætlan seta árið av til at smíða hús, men hetta hevur gingið so skjótt í vetur, at Jónas aftur byrjaði at venja tíðliga í vár.
”AB er eitt felag sum ger eitt stórt arbeiði við lokalsamfelagið á Argjum. Tað er her fólk savnast, og júst fyri tíðina hendir nógv spennandi við- og rundanum felagið, og eg vil so sanniliga gera mítt íkast” sigur Jónas Stenberg.
Somuleiðis fegnast Marius Thomassen, formaður í AB um sáttmálan: ”Jónas er ein ímynd av tí, ið vit standa fyri á Argjum. Vit kempa og stríðast og taka avbjóðingar upp. Vit eru ómetaliga fegin um, at Jónas verður við í ár. Hann hevur nógvar royndir, og tað koma vit at merkja í hopinum”.
- Detaljer
- Skrevet af Jens Petur Andreasen
Styrkur til AB
Argja Bóltfelag hevur skrivað tvey ára sáttmála við Jasper van der Heyden úr Belgia. Jasper er føddur og uppvaksin í Belgia, har hann hevur sparkað fótbólt alt sítt lív. Fyri tveimum árum síðani gjørdi hann av at royna seg í Íslandi. Har møtti hann føroysku unnustu sínari, og Jasper gjørdi av at flyta til Føroya.
Jasper er bólttryggur offensivur leikari. Hann spælir sum oftast á veinginum, men til tíðir á offensiva miðvøllinum. AB fegnast um at hava fingið evnaríka belgiaran í hópin, og ynskir Jasper hjartaliga til lukku við sáttmálanum.
Á myndini eru formaðurin hjá AB Marius Thomassen (vm) og Jasper van der Heyden (hm).
- Detaljer
- Skrevet af AB
Árskort
Nú ber til at keypa AB árskort fyri 2020!
AB árskortið er til allar heimadystir hjá AB í Betri deildini kappingarárið 2020.
Árskortið er eisini galdandi fyri heimadystirnar í steypakappingini 2020.
Árskortið kann keypast á atgongumerki.fo við at trýsta her
- Detaljer
- Skrevet af Marius Thomassen
Tveir synir og ein versonur
AB hevur skrivað tríggjar nýggjar sáttmálar. Talan er um Ragnar Rasmussen og Rógva Skála; tveir leikarar, sum eru uppvaksnir í AB og Tróndur Jóannesarson á Høvdanum, sum er fluttur til.
Ragnar Rasmussen og Rógvi Skála eru báðir 19 ára gamlir og hava spælt øll barnaárini við AB. Hetta er
sostatt teirra fyrsti sáttmáli.
AB er eitt felag, sum setur stóra æru í at menna egnar leikarar. Tískil fegnast vit
almikið í felagnum um, at vit kunnu síggja okkara egnu leikarar koma upp á besta lið.
Samstundis ynskir AB at bjóða Tróndur Jóannesarson á Høvdanum vælkomnum. Tróndur er 24 ára gamal,
uppvaksin í Syðrugøtu og hevur áður spælt við Víkingi. Tróndur er nú fluttur til Argir saman til unnustu sína
og ynskti at royna seg hjá AB. Hetta hevur gingið so mikið væl, at hann byrjaði longu inni fyrsta dyst. Á
Argjum eru vit sera fegin um raska gøtumannin.
AB ynskir øllum trimum hjartaliga til lukku við sáttmálum og bestu eydnu í kappingarárinum.
- Detaljer
- Skrevet af AB
Side 3 ud af 22