Navn: 
Valgerð Andreasen 

Lýs teg sjálva við 3 orðum: 
Positiv av lyndi – Umhugsin - Ágrýtin 

Nær vaskaði tú skinnararnar seinast? 
OMG! Haldi aldrin eg havi vaskað mínar skinnarar!! 

Besti leikari tú hevur leikt við? 
Liljan av Fløtum 

Besta minnið Inni í Vika? 
Tá ið vit komu í Steypafinaluna í 2009 - ímóti KÌ 

Hvat er tað besta við Argja Bóltfelag? 
At man sleppur at leika við AB :) 

Lýs teg sjálvan sum fótbóltsspælara við 3 orðum: 
ILLSINT - vil altíð VINNA - hati at TAPA 

Hvør sangur er tín yndis sangur? 
Dance Monkey 

Hvør syngur best á tínum liði? 
Durita Sloan :*  

Hvørji ritualir hevur tú áðrenn dyst? 
Eitt MUST er, at eg ALTÌÐ má leika í handskum.  

Hvør er stuttligasti persónur á liðinum? 
Anna Maria Sloan 

Hevur tú eina góða vittigheit í ermuni? 
Nope.. 

Er tað nakað, sum Argja Bóltfelag kundi gjørt øðrvísi? Um ja, hvat? 
Kundi verið meira fokus á kvinnurnar :)  

Síðan Corona byrjaði at herja í landinum, hevur tú so funnið fram nakað gamalt ella eitt nýtt frítíðarítrív? 
NEI! 

Hvat skulu vit spyrja næsta leikara? 

Hvør er besti leikari á tínum liði (AB)? 

Hvør er mest illsint á vøllinum? 

Detaljer

Navn: 

Gert O. Schrøter Drangastein 

Lýs teg sjálvan við 3 orðum: 

Tjaaa tað veit eg ikki… herligur, erligur, serligur?  

Nær vaskaði tú skinnararnar seinast? 

Vaskað skinnarar? Hvør vaskar skinnarir?   

Besti leikari tú hevur leikt við? 

Uha... trupul spurningur… Har eru nógvir góðir leikarar og legendur, sum ein hevur haft fornøjilsi av, at spælt saman við. Slepst tó ikki undan at nevna serbisku maskinuna, Dimitrije Jankovic, aka Dimi Machine!  

Besta minnið Inni í Vika? 

Nógv góð minnir inni í Vika, bæði á og uttanfyri vøllinum. Besta minnið mann vera ein av teimum døgunum, tá ið eru fluttir upp í bestu deildina.  

Hvat er tað besta við Argja Bóltfelag? 

Her er so deiliga ”bygdasligt”, og eingin er størri enn felagið.   

Lýs teg sjálvan sum fótbóltsspælara við 3 orðum: 

Eri nokk mest kendur fyri at vera óvanliga eksplosivur. Havi annars fingið at vita frá venjarum, at ein stendur væl í múrinum tá ið hinir hava fríspark, og at ein hevur giftig innkast. 

Hvør sangur er tín yndis sangur? 

Djämes Braun - Jeg kigger på fugle. 

Hvør syngur best á tínum liði? 

Havi havt heiðurin at sungið duet í karaoke við nøkrum av leikarunum, og tað eru serliga Heðin Stenberg og Sørin Nygaard Samuelsen, sum skarða framúr! Ein duet við teimum báðum við Shallow, hjá Lady Gaga (feat. Nygaard) og Bradley Cooper (feat. Stenberg), hevði verið nakað heilt serstakt. 

Hvørji ritualir hevur tú áðrenn dyst? 
Havi ongar fastar sum so… bara eta væl og drekka NÓGV vatn gjøgnum dagin, og ein góðan kaffimunn, og Ramstein í oyruni áðrenn dyst, og so koyra vit ahead!   

Hvør er stuttligasti persónur á liðinum? 
Haldi ikki nakar á liðinum hevur eina framtíðar yrkisleið sum stand-up komikari, ella sum politikari, men Sørin Nygaard Samuelsen plagar at koma við nøkrum stuttligum impulsivum viðmerkingum. Jákup Pauli Breckmann plagar eisini at hava nakrar góðar undir ermuni.  

Hevur tú eina góða vittigheit í ermuni? 

Hmm… neii… ella… júú hoyrdi eina góða í morgun… Í hesum Corona tíðunum, har vit síggja fleiri og fleiri fólk renna á landavegnum, so sigur ein Argjamaður við konuna meðan tey liggja í songini, at persónligi venjarin hjá honum hevði fortalt, at ein brennur líka nógvar kaloriur í einari samlegu, sum at rennað ein túr uppá 10km. Konan vendir sær við og spyr ”Alsooo.. roynir tú at fortelja mær, at tú klárar at rennað 10km uppá 2 min?”  

Hihihi… Eg havi nakrar aðrar, um tað er? 

Er tað nakað, sum Argja Bóltfelag kundi gjørt øðrvísi? Um ja, hvat? 

Hmm… nei tað haldi eg ikki. Ella jú.. nú tit spyrja, so er tað soleiðis, at vit sum umsita bótakassan hjá besta liðinum hava stórar trupulleikar við at innsamlað P-tøl, dópsbrøv og kontunummar hjá leikarunum/venjarunum/liðleiðarum í samband við at skráseta teir í skipanina hjá okkum, umframt at fáa teir at skriva undir eina sjálvvirkandi gjaldsavtalu við bótakassan. Leikararnir kenna seg onkursvegna ótryggar við bótakassanevndina, og hava ikki fult álit á okkum. Vónandi kann Argja Bóltfelag traðka til, og hjálpa okkum við at fáa hetta upp í rættlag. 

Síðan Corona byrjaði at herja í landinum, hevur tú so funnið fram nakað gamalt ella eitt nýtt frítíðarítrív? 

Ja, tá ið hetta Corona tíðarskeiðið er hasa av, so er ein klárur til Tórshavnar Marathon ella at súkkla við Rynkenby liðinum til Paris.  

Hvat skulu vit spyrja næsta leikara? 

Tit kunnu spyrja tann næsta, hvussu hann metir korona kemur at ávirkað føroyska búskapin, og kanska serliga bruttotjóðarúrtøkuna. Hetta eru viðurskiftir, sum vit vanliga tosa og kjakast um í skiftirúminum.  

Detaljer


Páskirnar byrja við bingo saman við AB

Vit hava flutt páskahugnan úr AB-húsinum yvir á Facebook. Á hvørjum ári skipar AB fyri stórum páskatombola í AB-húsinum. Hesaferð verður tað bingo ístaðin, og tú kanst vera við til at stuðla Argja Bóltfelag við at spæla við á Facebook.

Eisini verða lutaseðlar trektir ímillum spølini.

Soleiðis gert tú:

Tú skrivar til Denne e-mail adresse bliver beskyttet mod spambots. Du skal have JavaScript aktiveret for at vise den. ella sendir boð til Argja Bóltfelag á Facebook og viðmerkir, hvussu nógvar plátur og lutaseðlar tú ynskir at keypa. Síðani flytir tú peningin á Konto nr.: 6460-156.536.4 og viðmerkir títt navn.
Vit senda tær plátur og lutaseðlar talgilt. (Um tað ikki ber til at printa pláturnar út, skulu vit nokk koyra tær heim til tín)

Seinasta freist at keypa er:
At printa sjálv/ur: Skírishósdag kl 14.00
Heimkoyring: mikudagin 8. apríl kl 19
Plátur:
1 pláta við 6 spølum kostar 60 kr.
2 plátur við 6 spølum hvør kosta 100 kr.

Lutaseðlar:
Hvør lutaseðil kostar 10. kr.


Bingo verður Skírisdag 9. apríl kl. 15.00.
 
 
Trýst her fyri at koma á facebooksíðuna hjá AB.
 

 

Detaljer

Navn: 

Rannvá Poulsen 

 

Lýs teg sjálva við 3 orðum: 

Erlig, málrættað og lærufús. 

 

Nær vaskaði tú skinnararnar seinast? 

Eg havi ongantíð vaskað teir. Mínir eru relativt nýggir. Teir mugu vera frá 2018, tá eg byrjaði at spæla fótbólt aftur. Í mun til hvat eg annars havi hoyrt frá øðrum, so stendur ikki heilt illa til hjá mær. Teir verða luftaðir eftir hvønn dyst, og tað hevur riggað fínt inntil víðari. 

 

Besti leikari tú hevur leikt við? 

Eg havi spælt saman við nógvum dugnaligum leikarum, men um eg skal nevna ein, so er tað Olga Kristina Hansen, sum eigur munin. 

 

Besta minnið Inni í Vika? 

Besta minnið er, tá eg sum ungur spælari setti mær fyri, at eg skuldi skjóta fyrsta málið á AB-vøllinum eftir skiftið frá grúsvølli til graslíki. Eg havi antin spælt við pinkum ella gentum 10-12, og vit skuldu spæla fyrsta dystin. Vit spældu tá hálvan vøll, og okkurt dreingjalið spældi samstundis á hinari hálvuni. Eg kappaðist sostatt bæði við okkara mótstøðulið og eisini við dreingjaliðini í dystinum við síðuna av. Eg kláraði tó at fáa fyrsta málið á vøllinum, júst sum ætlað, og reypaði um tað í fleiri vikur aftaná. 

 

Hvat er tað besta við Argja Bóltfelag? 

Felagsskapurin – uttan iva.  

 

Lýs teg sjálva sum fótbóltsspælara við 3 orðum: 

Treisk, kappingarsinnað og fair – sum oftast J 

 

Hvør sangur er tín yndis sangur? 

Ein ómøguligur spurningur. Eg haldi meg hava fleiri yndissangir. Tað kemur alt an upp á lagið, man er í, og hvar man er í lívinum. Tað er í hvussu er sera týdningarmikið fyri meg, at bæði lag og tekstur eru væl skrivað. Lagið skal fanga og variera, og gjarna má okkurt ljóðføri uppí, sum brýtur frá. Teksturin má gjarna vera poetiskur við nógvum myndamáli, men hann kann eisini vera púra einkultur – so leingi hann letur okkurt til hugflogið og kann analyserast. 

 

Hvør syngur best á tínum liði? 

Eg havi ikki hoyrt allar syngja, men Durita og Anna Maria eru í hvussu er sera raskar til tað, og ljóða bara væl, so tær skulu sleppa at deila tann heiðurin J 

 

Hvørji ritualir hevur tú áðrenn dyst? 
Eg haldi meg ikki hava nøkur ritualir sum so. Eg ansi eftir ikki at eta ov tungan mat á degnum og royni at drekka nóg mikið av vatni. Kaffi má eg so gott nokk hava ein kopp av, áðrenn eg møti – billi mær inn, at tað gevur mær eyka orku. Tónleikur við fullari styrki hoyrir eisini til viðhvørt, áðrenn man fer heimanífrá. 

 

Hvør er stuttligasti persónur á liðnum? 
Aftur her sleppa Anna Maria og Durita at deila heiðurin. Tær eru virkuliga festligar. 

 

Hevur tú eina góða vittigheit í ermuni? 

Í hesum koronatíðum hevur man fleiri. Vegna sóttarhald fortelji eg bert innanhýsisvittigheitir ;)  

 

Er tað nakað, sum Argja Bóltfelag kundi gjørt øðrvísi? Um ja, hvat? 

Akkurát nú hendir so nógv bæði innan ungdómsarbeiðið og promovering av felagnum, so eg havi ikki ordiliga nakað at seta fingur á. Eri mest spent uppá, hvat fer at koma burturúr. 

 

Síðan Corona byrjaði at herja í landinum, hevur tú so funnið fram nakað gamalt ella eitt nýtt frítíðarítrív?  

Eg eri byrjað at renna túrar aftur – tað er eitt sindur síðan seinast. Og tað er so deiliga forfrískandi, nú tá man annars bara heldur seg við hús og ikki sleppur at íðka felagsítrótt. Annars njóti eg eyka tíðina, sum eg havi fingið saman við dóttrini. Tað er ein fantastisk kvalitetstíð. 

 

Hvat skulu vit spyrja næsta leikara? 

Hvør er besti venjari, tú hevur havt? 

Detaljer

Nýggj venjaragreipa á Argjum

Argja Bóltfelag hevur skrivað sáttmála við tveir nýggjar høvuðsvenjarar. Teir eru Tonny Brimsvík og Símun Samuelsen. Tonny var frammanundan hjálparvenjari, meðan Símun er nýggjur í venjararyrkinum, men á ongan hátt ókendur í føroyskum fótbólti.

Tonny Brimsvík hevur longu verið venjari í AB í nógv ár. Tonny hevur serliga verið venjari á gentu/kvinnusíðuni, har hann hevur gjørt eitt miðvíst menningararbeiði, sum hevur givið úrslit fyri felagið. Hetta sæst m.a. aftur í, at fleiri av leikarunum, sum Tonny venur, eru á ungdómslandsliðunum. Nú skal Tonny, saman við Símuni, standa á odda fyri besta mansliðnum:

”Eg byrjaði sum hjálparvenjari hjá Sorin Anghel í fjør. Uppá stutta tíð lærdi eg nógv, og hóast hetta stigið kom nakað brádliga, kenni eg meg kláran og gleði meg til avbjóðingina. Á Argjum arbeiða vit fyrst og fremst við menningini í huga. Men eg kenni meg vísan í, at hetta kemur at síggjast aftur á vøllinum.”

Símun Samuelsen er undangongumaður í føroyskum fótbólti. Sjálvt um hann júst er givin sum leikari, hevur hann verið í fótbólti so leingi, at tvey av feløgunum, hann hevur umboðað, hava fingið nýtt navn, VB og GÍ. Símun fór sum ungur til Íslands at spæla við Keflavík, har hann m.a. vann steypakappingina. Her heima er hann mest kendur á HB liðnum, har hann var við til at vinna FM tríggjar ferðir og steypakappingina einaferð.

Harumframt hevur Símun Samuelsen spælt 43 A-landsdystir og skora eitt mál.

Símun hevur áður verið á Argjum og sparkað:

”AB er felagið, sum bjargaði mínari leikarakarieru. Eg hevði verið illa skaddur, tá eg kom til AB, og her á Argjum fekk eg møguleikan at koma fyri meg sum leikari. Nú fái eg enn ein møguleika á Argjum, og eg klári illa at bíða eftir at koma í gongd og vísa mínar dygdir sum venjari” sigur Símun Samelsen.

Í AB eru vit sera fegin um nýggju venjaragreipuna. ”Hetta er ein sannur fongur” sigur Marius Thomassen, formaður. ”Bæði tað, at vit hava fingið Símun Samuelsen út aftur á Argir og at Tonny Brimsvík, sum er so væl lýddur í felagnum, heldur á fram er fantastiskt. Nú kann kappingin bara byrja".

Detaljer
  1. Leikarin/Venjarin í Skotinum
  2. Fótbólturin avlýstur í apríl
  • Hjem