Farið er nú undir at skifta graslíkið á fótbóltsvøllinum hjá AB á Argjum. 
 
Leikarar og viðhaldsfólk hjá AB hava alt vikuskiftið arbeitt við at taka gamla graslíkið av vøllinum. Hetta arbeiðið hevur gingið væl. Veðrið hevur verið framúr gott í vikuskifttinum, og tað hevur gjørt tað sera hugaligt hjá øllum fólkunum kring AB at fáa hendan partin av arbeiðnum frá hondini.
 
Í vikuni verður farið undir at gera undirlagið klárt til nýggja graslíkið, og síðani skal belegningurin leggjast á. Alt arbeiðið fer samanlagt at taka nakrar vikur, áðrenn vøllurin verður klárur aftur til venjing og til dyst. Í hesum tíðarbilinum hava liðini hjá AB funnið sær aðrar vallir at venja á. Dystir skulu eisini spælast, og her hava AB og FSF skipað so fyri, at nærum eingir heimadystir eru á skránni hesar vikurnar, tá vøllurin ikki er tøkur á Argjum. Bert vera nakrir fáir heimadystir hjá AB í yngru deildunum spældir í Gundadali. 
 
Graslíkið, sum verður lagt á vøllin á Argjum, er av slagnum DOMO og kemur úr Hollandi. Føroya Møblasøla er veitari av graslíkinum.
 
Talan er um ein vøll, sum umframt sand eisini hevur børk sum ífyllu. Hetta er munandi meira umhvørvisvinarligt enn gummigranulat, ið annars hevur verið vanligt at nýta til slíkar vallir í Føroyum.
 
Gamla graslíkið, sum nú verður tikið av, bleiv lagt á í 2010. Hetta er sostatt 12 ára gamalt, og var rættiliga nógv slitið. Tískil var hart tiltrongt at fáa nýtt graslíki lagt á vøllin á Argjum. 
 
Akkurát nær vøllurin verður liðugur er ikki heilt greitt. Um alt gongur væl, skuldi verið klárt at spæla bólt á Argjum aftur, tá komið er út í seinnu helvt av juni. 

Detaljer

Høvuðsvenjari okkara hevur í dag ynskt at vera loystur úr starvi. Orsøkin til uppsøgnina er, at ítróttarligu ambitiónirnar ikki samsvara millum felag og venjara.
Tað er týdningarmikið at undirstrika, at uppsøgnin einki hevur at gera við søgurnar um AB í miðlunum.

Detaljer

 
 
AB hevur í dag verið í krittiskari sjónvarpssamrøðu um tann háttin, ið vit løna okkara ’ikki norđurlendsku’ leikarum. Tað er ítróttarstjórin Jonas Dal, ið hevur verið í samrøðu við journalist í samband við innslag í Dag og viku.
 
Journalisturin segði okkum, at hon hevði fingið fatur á einum sáttmála við ein av okkara leikarum, har hon læs seg fram til, at viðkomandi fær 12.300 kr/mðr, sum er tætt uppá eina minimumsløn. Síðani kundi hon avdúka ein sáttmála, har spælarin og felagiđ høvdu gjørt avtalu um húsaleigu, vatn, hita, internet v.m fyri 9.500 kr.
Alt hetta er satt og ikki nakað, ið vit royna at krógva. Tí hava vit eisini sagt ja, at verða við í samrøðu.
 
Nøkur fakta:
 
Í løtuni hevur AB 6 ’ikki-nordiskar’ leikarar, sum eru í eini ordning, har teir fáa 12.300 kr í løn og rinda 9.500 kr í húsaleigu o.a. Haraftrat, hevur AB syrgt fyri, at teir fáa eitt starv. Tvs. At 5 av teimum hava ynskt at fáa eitt arbeiði aftrat síni løn frá AB. Hetta ger, at teir tjena eina løn, har teir kunnu liva undir góðum lívskorum, ímeðan teir eru í Føroyum. Áðrenn leikararnir hava fingið sítt arbeiðsloyvi og møguleika at tjena pening, hevur AB rindað fyri bæði kost og logi.
 
Hesin mátin ber við sær, at felagið kann hava ráð til teir ’ikki-norðurlendskar’ leikararnar, ið frammanundan eru blivnir kunnaðir um treytirnar, bæði gjøgnum sín egna agent og beinleiðis ígjøgnum AB, og sostatt vistu alt hetta áðrenn teir skrivaðu undir sáttmála.
 
Teir leikarar, ið talan er um, eru glaðir at fáa tann stóra møguleikan at sleppa til europa at spæla fótbólt, og at vísa seg fram í føroyskum fótbólti.
Ongin leikari er tvungin til nakað sum helst, og teir hava eisini agentar, ið umboða seg, og hava góðtikið treytirnar. Ongin leikari er í AB ímóti sínum vilja. Vit eru glað fyri at teir eru komnir til felagið, og stolt yvir hvussu leikur ber fram.
 
Hví kenna vit so tørv á, at siga søguna áðrenn Dagur og vika ger? Tí um søgan er so mikið spennandi, so vilja vit sjálvi sleppa at fortelja hana. Hin orsøkin er, at journalisturin tyktist hava skrivað søguna, áðrenn vit sluppu at fortelja hana, og í sínum egna vinkli.
 
Vit hava onki at goyma, og svara fegin fleiri journalistum, um áhugi er til tess.
Detaljer

Her eru numrini sum vunnu í lutaseđladráttinum á páskatombola hjá AB í dag. Vinnarar kunnu ringja tlf. 599901.
Vit takka fyri stuđulin.
Vinnaranummur Páskatombola 2022
Detaljer

Páskatombola 2022

Detaljer
  1. Undirskrivað avtalu um nýggja vøll á Argjum
  2. Nevndin hevur skipað seg.

Side 2 ud af 37