Argja Bóltfelag
  • Forsíða
  • Um felagið
    • Søgan
    • Búmerki
    • Lógir
  • Nevndir og venjarar
  • Samband
  • Betri Deildin Menn
  • Venjingartíðir
  • Tíðindasavn
  • Gloymd klæðir
  • Komandi dystir
  • Komandi tiltøk
  • Limagjald
  • English
  • Leiga AB-húsið

11 venjarar hjá AB fingið B2 prógv


AB leggur stóran dent á at hava væl útbúnar venjarar í øllum deildunum, bæði hjá yngru og hjá eldru liðunum.

Í januar/februar hava 11 venjarar hjá AB verið á B2 venjaraskeið hjá FSF. Tey fingu øll prógv handaði farna vikuskifti.

Tað er sera gleðiligt, at venjararnir hjá AB eru so ágrýtnir og áhugaðir at nema sær útbúgving sum venjarar. Tað ger teir enn betri førar fyri at fremja dygdargóðar venjingar, og hetta sæst uttan iva aftur í menningini av leikarunum. 

Á myndini eru venjararnir, sum fingu B2 prógv. Vit ynskja tykkum tillukku og takka fyri, at tit vilja leggja so nógva orku í at skapa góðar karmar fyri øll tey, yngri sum eldri, ið ynskja at spæla fótbólt á Argjum. 

Detaljer
Skrevet af: Kristian Dahl
Senest opdateret: 22. februar 2021

Argja Bóltfelag havt aðalfund



Argja Bóltfelag hevði ársaðalfund mikukvøldið 3. februar 2021. Uppmøtingin var góð, útvið hálvthundrað fólk vóru á aðalfundi. Formaðurin Marius Thomassen legði fram ársfrágreiðing og Dánjal Jákup Hansen, kassameistari, legði fram roknskapin. Formansfrágreiðingin var sera positiv, og roknskapurin sá gott út við einum hampiliga stórum avlopi á rakstrinum.

Staðfestast kundi á aðalfundinum, at framgongdin í felagnum heldur fram, og at vónirnar eru góðar fyri komandi tíðina hjá felagnum. 

Nevndarval var eisini á skránni. Fyri vali til starvsnevndina hesaferð stóðu Anja Rasmussen og Kristian Martin Skála. Hvørgin teirra ynskti at taka við afturvali, og Marius Thomassen takkaði teimum fyri tíðina, tey høvdu verið í nevndini hjá AB. Í teirra stað í starvsnevndini blivu vald Mona Breckmann Wescott og Jens Petur Andreasen. 

Sum tiltakslimir í nevndini blivu vald Sunneva M. Jensen og Remi Olsen. 

Samanumtikið ein góður aðalfundur, við góðari uppmøting og spurnarhugaðum fundarfólkum. Vit síggja fram til enn eitt spennandi og mennadi ár í Argja Bóltfelag.

-

Nevndin skipaði seg aftaná aðalfundin, og er nevndin í Argja Bóltfelag nú henda:

Marius Thomassen, formaður

Durita Sloan Dal-Christiansen, næstforkvinna

Mona Breckmann Wescott, skrivari

Dánjal Jákup Hansen, kassameistari

Jens Petur Andreasen, nevndarlimur

Sunneva M. Jensen, tiltakslimur 

Remi Olsen, tiltakslimur

(Á myndini eru fremst frá vinstru: Mona Breckmann Wescott, Jens Petur Andreasen, Durita Sloan Dal-Christiansen. Aftast frá vinstru: Marius Thomassen, Sunneva M. Jensen, Dánjal Jákup Hansen og Remi Olsen).

Detaljer
Skrevet af: Kristian Dahl
Senest opdateret: 3. februar 2021

AB hevur ársaðalfund 3. februar 2021

Sagt verður frá, at ársaðalfundur Argja Bóltfelags verður mikudagin hin 3. februar 2021, kl. 19.00 í AB-húsinum.

Skrá sambært viðtøkum felagsins:

1. Ársfrágreiðing
2. Kassameistarin leggur fram grannskoðaðan roknskap fyri farna árið
3. Viðgerð av uppskotum og málum, sum eru løgd fyri aðalfundin
4. Val av starvsnevnd og varalimum
5. Val av grannskoðara
6. Ymiskt

Viðvíkjandi punkt 3 hevur nevndin lagt fyri aðalfundinum uppskot til broytingar í viðtøkum felagsins um, nær aðalfundurin kann vera hildin:

Grein 4: Orðingin "Aðalfundurin verður hildin í februar mánaði við hesi dagskrá:" Verður broytt til "Aðalfundurin verður hildin áðrenn februar mánaður er farin við hesi dagskrá:"

Grein 5: Orðingin "Aðalfundurin verður kunngjørdur 8 dagar frammanundan og lýsingin verður uppafturtikin." Verður broyt til "Aðalfundurin verður kunngjørdur í fyrsta lagi 28 dagar frammanundan og í síðsta lagi 14 dagar frammanundan og lýsingin verður uppafturtikin."

Grein 6: Orðingin "Eykaaðalfundur skal kunngerðast 8 dagar frammanundan." Verður broyt til "Eykaaðalfundur skal kunngerðast í seinasta lagi 8 dagar frammanundan."

Verandi viðtøkur hjá Argja Bóltfelag síggjast við at trýsta her.

Vinarligast

Nevndin

Detaljer
Skrevet af: Marius Thomassen
Senest opdateret: 20. januar 2021

Hesi vunnu fýrverkspakkar

Í samband við fýrverksøluna hjá AB var lutakast um 3 fýrverkspakkar. 

Hesir vóru vinnararnir:

Esther Jespersen, Karl Leonsson og Samson Højgaard, øll av Argjum.

AB takkar øllum, ið stuðlaðu felagnum við at keypa fýrverk í AB-húsinum.

Gott nýggjár!

Detaljer
Skrevet af: AB
Senest opdateret: 31. december 2020

Gott nýggjár

Nýggjársbál verður kynt á parkeringsøkinum niðanfyri AB-húsið nýggjársaftan kl. 22.00. Øll eru vælkomin. Har er gott pláss at halda koronafrástøðu. 

Argja Bóltfelag ynskir tykkum øllum gott nýggjár!

Detaljer
Skrevet af: AB
Senest opdateret: 31. december 2020
  1. AB selur fýrverk
  2. Klárir til 2021

Side 13 ud af 38

  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • Author Login