Í 1. deildardystinum í kvøld ímóti HB spældi Bjarni Skála sín dyst nummar 100 fyri besta liðið hjá AB.
Bjarni er 23 ár og lokalur argjamaður, sum altíð hevur spælt við AB. Hann spældi sín fyrsta dyst á besta liðnum fyri skjótt fimm árum síðani, 21. apríl 2016, tá hann bleiv skiftur inn í dysti ímóti KÍ í táverandi Effodeildini, sum endaði 1-1.
Stríðshugaði miðvallarin hevur spælt 66 dystir í bestu deildini, 28 dystir í 1. deild, fimm steypakappingardystir og ein upp- og niðurflytingardyst við besta liðnum.
Argja Bóltfelag ynskir Bjarna til lukku við fyrstu 100 dystunum, og vit gleða okkum til nógvar afturat!
(Kelda:FaroeSoccer)
(Mynd: Álvur Haraldsen/in.fo)